Åga IL

Det blir sesongsavslutning med pizza og brus for smågutelaget på klubbhuset måndag 1. oktober kl. 17.30. Solid innsats gjennom heile sesongen vart krona med at laget vann 2. divisjon.

Etter sesongavslutninga, deltar 1994-gutane på informasjonsmøte om MOT-prosjektet. Dette møtet er kl. 18.30 på skolen.

Smågutter 2.div Åga IL - Bossmo & Ytteren IL 0 - 3.

Siste seriekamp på Hauknes kunstgress i nydelig høstvær endte med tap.
Bossmo dominerte stort i første omgang og vi var heldige som bare hadde 1 mål mot oss etter første omgang. Bedre innsats i andre omgang fra hele laget gjorde at vi kom til flere sjanser som med litt mer hell kunne gitt oss mål.
Bossmo var likvel det dominerende laget og fikk ytterligere 2 mål i løpet av omgangen. Det som kunne vært en ren seriefinale ble heldigvis avgjort av Åga guttene med en flott seier borte mot Nesna i nest siste seriekamp. Alt i alt en flott sesong av guttene hvor mange har gjort fine fremskritt. Vi takker alle spillerne, trenere, dommere,lag vi har spilt mot og sist men ikke minst alle foreldre som stiller opp, for en fin sesong.

Vi møtes for avslutning mandag 1. oktober kl. 17.30 på klubbhuset.

Smågutter 94 slår seg etterhvert sammen med 95 guttene, mens 93 guttene blir en del av guttelaget til neste år. Takk for laget!

ref. Torbjørn

Det vart ein dramatisk kamp mellom Åga og Nesna på det nye kunstgraset på Nesna måndag kveld. Det stod om ikkje mindre enn seriemeisterskapet i 2. divisjon. I høve den viktige kampen vart det også opphaldsver ti minutt før kampstart.

Åga kom best i gang og produserte tidleg eit par gode sjansar, men det var Nesna som skåra det første målet på ei kontring. Resten av 1. omgang var jamn, men det var fullt fortent da Åga utlikna mot slutten av omgangen.

2. omgang heldt fram på same måte. Nesna var i føringa, og Åga utlikna. Til slutt stod det 3-3. Denne gongen var det Åga som skåra og gjekk for første gong i kampen opp i leiinga med 4-3. Da var det ikkje att meir enn fem minutt å spele. Det vart fem lange minutt, svært lange, ikkje minst for publikum. Nesna pressa på, og Åga redda to gongar på streken. Eit entusiastisk Åga-publikum gjorde også det som var mogleg, og det var både iherdige avdriblingar og susande taklingar frå heiagjengen ute på sidelina. Men Åga reid stormen av og vann kampen 4-3. Det betyr at med ein kamp att er det ingen andre lag som kan ta att Åga, og seriemeisterskapet i 2. divisjon er dermed klart.

Dagens kamp var jamn og kunne vippa begge vegar. Det var sant å seie meir innsats enn godt spel,  men det var Åga som greidde å mobilisere den største innsatsen mot slutten av kampen. Dette har vore eit kjenneteikn på dette Åga-laget: Å stå på til fløyta går. Det har dei vunne mange poeng på.

No står berre ein kamp att: Mot Bossmo & Ytteren 2 på Hauknesbanen torsdag. Og da vil også seriemeisterskapet bli feira.

Småguttene vant komfortabelt borte på Hemnes, som normalt har vært sterke på heimebane. Åga IL gikk tidlig i ledelsen og ledet 2 - 0 til pause. Fine mål og god stemning pausen. Etter hvilen ble det litt slapt og på stillingen 1 -

Smågutelaget held fran med å vinne kampar. Torsdag vart det siger med 4-2 over Korgen på Hauknesbanen, men det var ein siger som sat langt inne. Rett nok skåra Åga først, men Korgen utlikna rett før pause. Litt ut i 2. omgang gjekk Korgen opp i leiinga med 2-1, og da såg ikkje bra ut. Åga hadde rett nok sjansar, utan at det vart veldig farleg. Men ti minutt før full tid fekk heimelaget opp farten, og i løpet av fem minutt hamna ikkje mindre enn tre ballar i nettet bak Korgen-keeperen. Dermed var kampen køyrd.

Det var ein arbeidssiger, og på nytt viste Åga solid evne til å kjempe heilt til fløyta gjekk. Kampen vart avgjort da Åga fekk ballen ned på bakken, fekk bevegelse på spelarane og sette opp tempoet på ballen. Da hang ikkje Korgen med.

Eit interessant poeng er at Åga er om lag like gode heime som borte. Der skil Åga seg frå dei andre laga i serien. Dei fleste laga er klart betre heime enn borte. Særleg gjeld dette Nesna og Hemnes. Og nettopp Hemnes er motstandar i neste kamp på grusbanen på Hemnesberget måndag 17. september. Kampstart kl. 17.30, oppmøte PÅ HEMNESBERGET seinast kl. 17.00.

Måndag vann smågutelaget 4-3 over Selfors i ein jamn og spennande kamp på kunstgraset på Moheia. Kampen stod lenge og vippa, men i sluttminutta klarte Åga å få inn det avgjerande målet. Dette var ein svært god kamp av Åga med god bevegelse på spelarane og tempo på ballen. Laget har gjennom sesongen vist ein flott vilje til å stå på gjennom heile kampen, og dermed kjempar dei også heilt i toppen av tabellen.

Mandag 10: Kamp: Selfors - Åga, kl. 19.15, Moheia kunstgress. Oppmøte: 18.30.

Torsdag 13: Kamp: Åga – Korgen, kl. 19.15. Oppmøte: 18.30.

Mandag 17: Kamp: Hemnes - Åga, kl. 17.30, Hemnes grusbane. Oppmøte: 17.00.

Torsdag 20: Trening kl. 15.30: Pasninger, mottak, føring.

Mandag 24: Kamp: Nesna - Åga, kl. 19.15, Nesna kunstgress. Oppmøte: 18.30.

Torsdag 27: Kamp: Åga – Bossmo/Ytteren 2, kl. 19.15. Oppmøte: 18.30.

Kampen på heimebane mot Gruben måtte spilles uten alle 93 spillere som var på klassetur til Bredek. Assistanse var hentet inn fra lillegutter 95 og 96. Det var mange spendte lilleguttspillere som skulle debutere med 11-er fotball, mot større og sterkere Grubenspillere. Kampen bølget litt frem og tilbake før Gruben tok ledelsen med et fint mål. En fantastisk innsats fra alle 95 og 96 spillerne kombinert med litt mer erfarne 94 spillere gjorde at Åga utlignet ganske fort til 1 - 1. Etter dette tok Åga over mer og mer av spillet og flere lilleguttspillere fikk vist seg enda mere frem og hadde fine avlutninger og klareringer. Stillingen ble etterhvert 2 - 2, men da Åga puttet 2 mål til i siste del av andre omgang var løpet kjørt for Gruben. Åga vant fortjent og det var flott innsats av alle spillerne, men vi bør spesielt gi honnør til 95 og 96 guttene som viste stor innstas og god sportsånd på første kamp på stor bane. Grattis!

Småguttelaget var revansjelystne og sultne på seier etter tapet forrige seriekamp mot Mo IL. Etter få minutter av kampen på Storforshei grusbane var Åga IL i føringen. Noen spillere var borte pga sykdom og med bare 2 innbyttere var vi avhengige av innsats fra hele gjengen. Guttene viste fin innsats og laget dominerte utover i kampen. Sluttresultatet ble hele 0 - 8 og det til tross for at Skonseng/Storforshei hadde flere gode sjanser mot slutten av kampen. Mye godt spill, fine mål og godt spillehumør preget kampen. Neste kamp blir mot Gruben IL heime på Hauknesbanen. Da er 93 gutta på klassetur og det blir lånt spillere fra lillegutter 95 og 96. Oppmøte mandag 3. september kl. 18.45.

Kampen mot Mo gjekk i motbakke for Åga i første omgang. Det var den dagen det ikkje ville seg, og Mo gjekk til pause med 2-0. Men i andre omgang var det eit anna Åga-lag som entra banen. Det var full innsats over heile linja, og etter kvart reduserte Åga til 1-2. Men trass i bra spel og godt press kom aldri utlikningsmålet.

Kva lærte vi av denne kampen? Jau, når alle tenkjer på det dei skal gjera på banen, nemleg å spele skikkeleg fotball, da er Åga eit godt lag som det ikkje er lett for nokon å bryne seg på.

Smågutelaget opna haustsesongen med ein knallsiger over Bossmo & Ytteren 3 på kunstgraset på Ytteren. Åga var i leiinga med 3-0 før det hadde gått ti minutt, og ved pause stod det 7-1. B&Y-laget bestod av yngre spelarar som ikkje hang med i tempo og duellar. Dermed vart det ein svært ujamn kamp, og til slutt kom sigeren til å lyde på heile 14-4.

For Åga var dette først og fremst ei nyttig gjennomkøyring før laget møter tøffare motstand. Fleire spelarar leverte gode prestasjonar, Oliver skåra mål, og særleg i første omgang var det god bevegelse i spelet. Men mot slutten av kampen var det tydeleg at mange hadde hatt sommarferie. Det høvet nytta det unge B&Y-laget til å pynte på resultatet med tre ganske raske mål.

Neste kamp er tysdag 28. august kl. 17.00 mot Mo2 på Hauknesbanen. Det blir ei tøffare oppgåve …

Smågutelaget deltok med fullt mannskap og mange foreldre som utgjorde ein heiagjeng som høyrdest godt under Lappland Soccer Cup i Lycksele i helga. Resultatmessig vart laget nummer 6, men i og med at dei møtte lag som stort sett hadde noko eldre spelarar, var det greitt. Det var i alle fall mykje nyttig lærdom å hauste i kamp mot heilt andre lag enn dei laget møter til vanleg.

Første kamp vart ei tøff oppleving. Obbola/Sandvik spelte ein fysisk tøff fotball som Åga ikkje var budd på, og det heile endte med tap 0-4. Likevel heva laget seg godt i andre omgang og var spelemessig på høgde med svenskane.

Før andre kamp lada dei fleste opp i basssenget på Ansia i godveret. Det fungerte godt, for mot det sterke heimelaget Lycksele heva Åga seg kraftig og presterte spelemessig noko som kanskje er årsbeste. Alle spelarane spelte opp mot det beste dei kan. Dei sprang, takla, slo pasningar og skaut, alt med full intensitet gjennom heile kampen. I spel og sjansar var kampen heilt jamn. Den einaste skilnaden var var at Lycksele fekk ballen i mål tre gongar. Men 3-0 sigeren var bestemt tre mål for stor.

Søndag stod det plasseringskampar for tur. Første motstandar var Skonseng som Åga spelte 2-2 mot i serien. Tidleg i første omgang leia Åga 2-0 og sigeren såg sikker ut. Men i andre omgang slokna laget og Skogseng greidde å få inn to mål. Sjølvsagt urettferdig, men da fekk vi i staden ein spennande straffekonkurranse. Her hadde Åga nervane under full kontroll og vann 4-1. I siste kamp måtte eit slitent Åga-lag gi tapt med 1-6 mot Vilhelmina.

Det er ein del å lære av ei slik turnering. Sjølv om Åga har eit ungt smågutelag, såg dei mot Lycksele at med full innsats kan dei kompensere for alderen. Det er heller ikkje nødvendigvis slik at store spelarar er så gode. Men vi såg at dei svenske laga jamt over var meir fysiske i spelestilen. Dessuten spelte dei meir direkte i lengderetning når dei gjekk i angrep, og dei var kjappare til å avslutte angrepa.

Under Lappland Soccer Cup i Lycksele i helga vart det arrangert ein uhøgtideleg ‘landskamp’ for smågutar mellom Sverige og eit samansett lag frå Norge og Finland. Åga hadde med tre spelarar, Henrik Elvedahl, Henrik Sjåvik og Sveinung Rydland som alle gjorde ein solid fgur i kampen. Kampene endte med 4-1 til Sverige, men Henrik Sjåvik fekk æra av å skåre det einaste norske målet. I tellegg til Åga bestod laget av spelarar frå Grand, Junkeren, Skonseng og finske Pelk Koff.

Smågutelaget kom fort over tapet mot Bossmo & Ytteren2 på måndag. Onsdag vann dei 5-3 mot Nesna i ein god og spennande kamp på Hauknesbanen.

Første omgang var ganske jamspelt med stor innsats frå begge laga, men to skåringar til Åga rett før pause gav ei 2-0 leiing. Nesna var på hogget da andre omgang starta og reduserte kjapt. Utover i omgangen tok Åga meir og meir over, fekk to skåringar til og kontrollerte kampen med 4-1. Trudde alle. Men så skjedde det som i blant skjer: Åga “sovna” mot slutten av kampen, og Nesna kunne setje inn to mål med kort mellomrom. Da vart det nesten litt for spennande. Men Åga-gutane skjerpa seg kraftig, og Torgeir dundra inn vinnarmålet på ei rask og god kontring. Da var det knapt eit minutt att av kampen.

No er er pause i seriekampane fram til måndag 20. august (same dag som skolen begynner). Da ventar Bossmo & Ytteren borte. Men før den tid er det lokal “fotballskole” for 1993, 1994 og 1995 på Hauknesbanen onsdag 27. og torsdag 28. juni. Og ikkje minst er det Lappland soccer cup i Lycksele frå fredag 29. juni til søndag 1. juli.

Smågutelaget gjekk på det første nederlaget denne sesongen da dei måndag 18. juni tapte 1-3 mot Bossmo & Ytteren2 på Ytteren stadion. B&Y kom best i gang og dominerte kampen, men det var først mot slutten av 1. omgang dei fekk ballen i mål. Da hadde Joakim storspelt avverga fleire opplagte skåringar. I 2. omgang utlikna Daniel for Åga, men B&Y kom raskt tilbake med to skåringar. Alt i alt var 2. omgang relativt jamspelt, men denne gongen var det eit greitt tap mot eit betre lag. Men allereie på onsdag er det mogleg å revansjere seg når Nesna kjem på besøk på Hauknesbanen.

Det vart ein svært spennande kamp borte mot Korgen, på eit kunstgras som er både kort og sandfylt. Åga kom som vanleg godt i gang og køyrde fullstendig over Korgen i opningsminutta. Etter kring 10 minutt stod det 3-0, men deretter jamna kampen seg ut slik at det stod 4-1 til Åga ved pause.

2. omgang arta seg heilt annleis enn første. No var det Korgen som styrte spelet, og utover i omgangen fekk dei plassert tre ballar i Åga sitt mål. Enno var det ei bra stund att av kampen. Tilreisande Åga-publikum beit naglar, mens humøret var stigande hos Korgen-tilhengarane. Det må i tillegg seiast at Åga ved enkelte høve også hadde englevakt ved eige mål. Men Åga reid stormen av, og mot slutten av kmapen kom vi også til sjansar.

Alt i alt var 4-4 eit greitt resultat. Laga hadde kvar sin omgang. Åga måtte denne gongen kjempe og slite for det eine poenget, men det greidde dei godt. Ingen hadde mykje krefter att da dommaren bles av kampen. Så mykje finspel vart det ikkje, og det må banedekket og ein langsgåande vind ta ein del av skulda for. Henrik Sjåvik fekk denne gongen prøve seg som rein spiss, og han kvitterte med tre mål. Sterkt.

Neste kamp blir ikkje før måndag 18. juni. Da er det bortekamp mot Bossmo & Ytteren 2 på Ytteren kunstgras. Fram til da må alle bruke Hauknesbanen (eller andre banar) flittig og halde formen ved like.

Da var det en ny mnd. Nå starter forberedelsene til Lycsele. Det har jo gått strålende med kampene så langt i år. Vi har hatt en fin framgang i forhold til plassering og det å utnytte hele banen, teknikken og overblikket har blitt bedre hos mange spillere. Vi er i en god flyt nåJ. Det er mulig det blir fotballskole noen dager i uke 26. Dette opplegget er ikke klart ennå. Det kan også bli flere treninger denne mnd.

MANDAG 4.: Kamp: Korgen – Åga. På kunstgress. Kl. 19.15

TORSDAG 7.: Trening: 15.00 – 16.30. Forsvar – angrep, spill, hurtighet. Jonny

TORSDAG 14.: Trening: 15.00 – 16.30. Teknikk, spill, hurtighet. Geir

MANDAG 18.: Kamp: Bossmo & Ytteren 2 – Åga. Ytteren kunstgress, kl. 1915, oppmøte: kl. 18.45

ONSDAG 20.: Kamp: Åga – Nesna, kl. 18.00, oppmøte: kl. 17.00

TORSDAG 21.: Trening: 15.00 – 16.30. Teknikk, spill, hurtighet. Geir 

MANDAG 25.: Fotballskole??

TIRSDAG 26.: Fotballskole??

ONSDAG 27.: Fotballskole??

TORSDAG 28.: Trening: 15.00 – 16.30. Spill og hurtighet med ball. Geir og Jonny

FREDAG 29.: Avreise til Lycsele

Før kampen på Hauknesbanen 29.mai stod Selfors utan poengtap. Det var lenge ein jamn kamp, men mot slutten av 1. omgang tok Åga meir over og skåra to gongar. I 2. omgang gjek Ågå opp til 3-0, før Selfors kom inn i kampen att for fullt. Det var fleire gongar farleg framfor Joakim i Åga-buret, men han heldt null-en. Mot slutten av kampen køyrde Åga ein sterk spurt og sette inn to mål til slik at det endte 5-0.

Dette var nok den beste kampen Åga har spela i år. Ballen gjekk raskare, det var mange gode løp både med og utan ball, og begge kantane vart heile tida brukt i angrepet. Det skapte sjansar. Eit lite poeng: Det var fem forskjellige spelarar som skåra måla. Det er ein styrke at laget har fleire som kan gjera måla.

Neste kamp: Borte mot Korgen måndag 4. juni.

Smågutelaget vann heile 5-1 over Mo i toppkampen på Moheia onsdag. Dermed har Åga spelt fem kampar på rad utan tap, har 13 poeng og imponerande 33-8 i målprotokollen.

Åga har denne sesongen hatt ein viktig eigenskap: Dei startar kampane med eit tidleg mål. Slik var det denne gongen også. Etter berre få minutt kriga Åga inn 1-0. Midtvegs ut i omgangen gjekk dei opp til 2-0 etter at dei hadde dominert kampen i stor grad. Men Mo kom tilbake, og resten av omgangen var jamspelt. Mo kom til store sjansar, men stolpe og tverrliggjar var på parti med Åga slik at det stod 2-0 ved pause.

Mo var det klart friskaste laget da 2. omgang starta og pressa Åga bakover. Til slutt gav presset resultat: Mo reduserte på straffe. Etter skåringa heldt Mo fram med å dominere. Åga hadde problem med å få etablert spel og vart mykje springande mellom. Mo skapte den eine sjansen etter den andre. Publikum frykta utviklinga av kampen. Heilt til Brage fekk klokketreff på eit langskott og ballen fauk inn oppe i krysset. Da vakna Åga på nytt, tok heilt over kampen og sette inn to mål til. Det endte 5-1 etter at dommar Herlov bles av rett før Åga skulle setje inn det sjette målet etter ein real forsvarsmiss av Mo.

Åga hadde denne gongen ein breidare tropp i og med at Stian og Oliver var tilbake. Dermed var det fleire spelarar å fordele innsatsen på.

Neste kamp er tysdag 29. mai. Da står Selfors for tur på Hauknesbanen. Det blir ny toppkamp i og med  at Selfors også har komme godt i gang med sesongen. Det blir sagt at Selfors har ein svært god og rask spiss.

Etter tre kampar på rad på heimebane for smågutelaget, stod Gruben for tur borte. Og årets første kamp på grus. Men gutane beherska også dette underlaget, og da dommar Eskil Furunes bles av kampen, stod det heile 8-3 til Åga. Det var ein solid prestasjon, ikkje minst fordi det berre var fire 1993-spelarar på laget denne gonen. Men 1994-gutane har fått opp dampen og blir stadig betre på stor bane.

Åga fekk ein draumestart på kampen. Det stod 1-0 allereie etter eit par minutt. Resten av første omgang var relativ jamspela, med eit lite overtak til Åga. Med eitt mål til i løpet av omgangen stod 2-0 til Åga ved pause.

Gruben brukte pausen godt og gjekk hardt ut i 2. omgang. I opningsminutta vart Åga pressa hardt bakover, og Gruben fekk eit tidleg mål. No var det kamp att. Men skåringa til Gruben tente Åga, dei slo tilbake og skåra tre raska mål - eitt på kontring, eitt etter forsvarstabbe og eitt på langskott frå returrommet. Med 5-1 skulle løpet vera køyrt. Men det ville ikkje Gruben. Dei slo tilbake, spelte kjapp og direkte fotball og svara med å setje to ballar i Åga-målet. Dermed var det 5-3 og Åga-publikummet tok til å tvinne tommeltottar og sjå på klokka. Kor lenge var det att før Eskil skulle blåse? Det var lenge.

Men i denne kampen vakna Åga kvar gong dei fekk mål i mot. Dei heldt moralen oppe, kjempa og sprang, og dei fekk også løn for strevet. Mot slutten av kampen putta dei tre gongar slik at resultatet til slutt vart 8-3. Svært sterkt.

Det er artig å sjå korleis dei fleste tek til å forstå offside i praktisk spel, både i forsvar og angrep. Når ein angrepsspelar oppdagar at han har vorte for ivrig, held han att slik at ballførar kjem lengst fram. I blant blir ein og annan for ivrige, men det tyder berre på at dei vil ha mål. Dette kjem seg. Også i denne kampen vart det fokusert på å bruke heile breidda på banen. Det går bra i periodar, men innimellom klumpar litt for mange seg saman midt på banen. Sjølv om det vart ein stor siger denne gongen også, var det god motstand. Gruben spelte ballen direkte, brukte farten og dribla lite, og Åga måtte svare med same mynt. Dermed vart det ein fartsfylt kamp med mange sjansar. Mot slutten av kampen var begge laga tydeleg slitne, det vart att ganske lite midtbane og ballen vart ofte slått langt.

Neste kamp er allereie på onsdag mot Mo2 på Moheia. Det blir sagt at Mo skal vera eit teknisk godt og spelande lag, så da må Åga ta fram sitt aller beste.

Smågutelaget held fram med å levere sterke kampar. Onsdag 16. mai ordna dei med ein skikkeleg opptakt til 17. maifeiringa da dei vann heile 7-0 mot Hemnes på Hauknesbanen.

Åga kom svært godt i gang, og allereie i opningsminutta ordna dei to raske mål. Resten av 1. omgang heldt dei trykket oppe slik at det ved pause stod 4-0. I andre omgang heldt Åga fram og utover i omgangen sette inn tre mål til. Dermed vart sluttresultatet heile 7-0.

Mot slutten av kampen jamna spelet seg meir ut, og Hemnes kom også til fleire store sjansar. Det hadde ikkje vore noko å seie på om gjestane også hadde fått eit par mål, men dels kom stolpane i vegen, og dels såg vi eit glimrande keeperspel av Kristian i Åga-målet. 

I denne kampen fungerte spelet i periodar klart betre enn sist. Spelarane var flinkare til å bruke heile breidda på banen, køyrde angrep på kantane og slo inn framfor mål. Det vart farleg, nesten kvar gong.

Neste kamp er mot Gruben på måndag 21. mai, og det blir den første bortekampen for sesongen. Til og med grus, så det blir boko heilt anna enn Åga sin strøkne kunstgrasbane.

Smågutelaget leverte ein ny sterk kamp 14. mai med 2-2 mot Skonseng på Hauknesbanen.

I denne kampen vart det sterkare motstand enn i den første kampen, men Åga viste mykje godt spel. Det var Åga som kom best i gang, pressa Skonseng bakover og skåra først. Deretter kom Skonseng tilbake og kontra inn to mål før Åga utlikna like før pause. 2. omgang vart mållaus, men Åga hadde ballen mest. Det var berre ein god Skonseng-keeper redda uavgjort for gjestane.

Det er ein overgang for 1994-gutane både å spele 11ar og handtere offside, men dei tar til å få tak på det. Kampen mot Skonseng var prega av sterk vind på langs av banen, og det var ikkje like enkelt å få til finspel.   

Månadsplan for smågutelaget for mai 2007 ligg her:

TORSDAG 3.: Trening: 15.00 – 16.30: Forsvar – angrep, spill, hurtighet. Geir 

MANDAG 7.: 94 – på leirskola hele uka. 93-gutta trener sammen med 92. Trening 17.30 – 19.00

ONSDAG 9.: Trening 15.00 – 17.00 

TORSDAG 10.: Kamp 92(kanskje noe spilletid for noen.

MANDAG 14.: Kamp : Åga – Skonseng. Kl. 18.00. NB!Oppmøte i garderoben på skola kl. 17.00

ONSDAG 16.: Kamp : Åga - Hemnes kl. 18.00. Oppmøte 17.30

FREDAG 18.: Trening 17.00 – 1830. Forsvar – angrep, spill, hurtighet. Geir

MANDAG 21.: Kamp : Gruben2 - Åga. Kl. 19.15 på Gruben grus. Oppmøte: 18.45

ONSDAG 23.: Kamp : Mo 2 - Åga. Kl. 18.00 på Moheia. Oppmøte: 17.30

TORSDAG 24.: Trening: 15.00 – 16.30. Pasning – mottak, spill, hurtighet.

TIRSDAG 29.: Kamp : Åga – Selfors 1. Kl. 18.00. Oppmøte : 17.30

TORSDAG 31.: Trening: 15.00 – 16.30. Pasning – mottak, spill, hurtighet. Jonny

1993/1994 startar sesongen med heimekamp mot Bossmo&Ytteren3 måndag 30. april.
Kampstart kl. 19.15, oppmøte 18.30.
Dette er første gong 1994-gjengen prøver seg på stor bane.
Aj, aj, dette blir spennande!